सिन्धुपाल्चोक
बलेफी गाउँपालिका वडा नं. १ स्थित जलबिरे स्वास्थ्यकेन्द्रमा आँखा शिविर सञ्चालन हुने भएको छ । यहि पुस ९ गते शनिबारका दिन दिउँसो ११ बजेदेखि शिविर सुरु हुने जनाएको छ । जलविरे आसपासका सेवाग्राहीहरुले मौकाको फाइदा उठाउन सकिने आयोजकको भनाइ छ ।
तिलगंगा आँखा प्रतिष्ठान, जिल्ला सामुदायिक आँखा केन्द्र, चौतारा र जलबिरे प्राथमिक स्वास्थ्यकेन्द्रको संयुक्त आयोजनामा शिविर सञ्चालन हुनगैरहेको हो । ४० वर्ष भन्दा माथिका सेवाग्राहीहरुलाई सोही स्थानमै चेकजाँच पश्चात् सुपथ मुल्यमा चस्मा समेत उपलब्ध हुने आयोजकले बताएका छन् । साथै, शिविरमा मोतिविन्दुको समस्या रहेकाहरुलाई जिल्ला सामुदायिक आँखा केन्द्र चौतारामा माघ ७ र ८ गते शल्यक्रियाको व्यवस्था समेत गरिएको छ ।
सूचना ;
