सिन्धुपाल्चोक
जुगल ३ बोल्दे गाउँको ३१ वर्षे रामलाल तामाङ कास्की जिल्लाको माधे गाउँपालिका १ स्थित सिक्लेस भन्ने स्थानमा मृत फेला परेको छ। पारिवारिक श्रोतका अनुसार तामाङ मेलम्ची हुँदै कास्कीमा निर्माणाधीन जिरो हाइड्रोपावरमा काम गर्न जाने भनि त्यस तर्फ गएको बताए।
गत चैत्र १ गतेदेखि सम्पर्क विहिन भएको उनको हिजो चैत्र ३ गते लाश फेला परेको हो। घटनाको प्रकृति हेर्दा उनको हत्या भएको हुन सक्ने आशंका गरिएको कास्की प्रहरीका एसपी मोहन थापाले जन्मभूमि पोष्टलाई जानकारी दिनुभयो। थापाका अनुसार उनि संगै आएका ३ जना सम्पर्कमा नआएको र उनिहरुको पहिचान गर्ने कार्य भैरहेको जनाए।
मृतकलाई पोस्टमार्टमका लागि गण्डकी अस्पताल राखिएको छ। अहिले मृतकको परिवार त्यस तर्फ गइरहेको जानकारी आएको छ।
