सिन्धुपाल्चोक
सुनकाेसि गाउँपालिकाको बाग भैरव मा.वि. मा मुटु परिक्षण शिविर सम्पन्न भएको छ। पुर्व गाउँपालिका अध्यक्ष श्रवण कुमार जि.सि (बिनाेद )काे पहलमा अन्नपूर्ण अस्पताल र चीनकाे फुवाई युनान कार्डियाेभास्कुलर हस्पिटलकाे अायाेजनामा शिविर सम्पन्न भएको तेक्वान्दो गुरु माधव विश्वकर्माले बताए। 
उक्त शिविरबाट गाउँपालिका वडा नं. १,२, र ३ का कक्षा १० सम्म अध्ययन गर्ने ६७५ जना विद्यार्थीहरुकाे मुटुकाे परीक्षण गरिएकाे छ। तीमध्ये ३६ जनामा मुटुकाे समस्या देखिएकाे छ। तीमध्ये पनि ५ जनाकाे गम्भीर समस्या देखिएकाे छ। ती ५ जनालाई चीनकाे फुवाई युनान कार्डियाेभास्कुलर हस्पिटल लगेर नि:शुल्क उपचार गरिने अन्नपूर्ण न्यूराे अस्पतालका वरिष्ठ न्यूराेसर्जन वसन्त पन्तले जानकारी दिनुभएकाे छ।
त्यस्तै पुर्व अध्यक्ष जिसिले आफू जनप्रतिनिधि भएको बेला पनि र अहिले नभए पनि शिक्षा र स्वास्थ्य साथ साथै विकासको काममा निरन्तर लागिरहेको बताउनुभयो।
