सिन्धुपाल्चोक, नवलपुर
सिन्धुपाल्चोक इन्द्रावती गाउँ पालिकाको भव्य प्रशासनिक भवन र रंगशाला नेपाली काँग्रेसका महामन्त्री गगन कुमार थापाको उपस्थितिमा उद्घाटन हुने भएको छ । यहि १९ गते हुने उक्त कार्यक्रममा थापा प्रमुख अतिथिको रुपमा आउनुहुने गाउँ पालिका श्रोतले जनाएका हुन् ।
यहाँको भवन देखेपछि कतिपयले “गाउँ गाउँमा सिंहदरबार” भन्ने नारा व्यवहारमा सफल भएको टिप्पणी गर्दै आएको छ । सो भवन निर्माणका लागि जिल्ला समन्वय समिती सिन्धुपाल्चोक र इन्द्रावती गाउँ पालिकाको संयुक्त लगानी रहेको छ । त्यस्तै रंगशाला निर्माणका लागि युवा तथा खेलकुद मन्त्रालय तथा गाउँ पालिकाको संयुक्त लगानीमा निर्माण सम्पन्न भएका थिए । इन्द्रावतीको भवन आकर्षक मात्र नभै स्मार्ट सर्भिस समेत उपलब्ध छन् । यो पालिका कार्यसम्पादनमा समेत सिन्धुपाल्चोकको मात्र नभै लगभग देशैभरको गाउँ पालिका मध्ये उत्कृष्टको रुपमा चिनीसकेका छन् । 
