काठमाडौं
नेपाली काँग्रेस काठमाडौं जिल्ला कार्यसमितिले २०७९ बैशाख ३० गते हुने स्थानीय निर्वाचन सफल पारौं “घर घर जाऔं, काँग्रेस जिताऔं” विशेष बैठक समुद्घाटन गरेका छन् । बैठकमा पार्टीको केन्द्रिय प्रतिनिधि लगायत बागमती प्रदेशबाट काठमाडौंमा खटिनुभएका प्रतिनिधिहरुलाई स्वागत एवं कार्यतालिका, कार्यबिभाजनका लागि छलफल भएको हो । 
बैठक जिल्ला सभापति कृष्ण सबुज बानियाँको अध्यक्षतामा तथा नेपाली काँग्रेसका प्रभावशाली नेता पुर्व मन्त्री एवं केन्द्रिय सदस्य मोहन बहादुर बस्नेतको प्रमुख आतिथ्यतामा भएको थियो । नेपाली काँग्रेस काठमाडौं जिल्ला कार्यसमिति ज्ञानेश्वरमा सम्पन्न बैठकमा जिल्लाका १० निर्वाचन क्षेत्र, २० प्रदेश, ११ नगरपालिका र १ महानगरका नेतृत्व गर्दै पदाधिकारीहरु उपस्थित हुनुभएको थियो । 
काठमाडौंका लागि केन्द्रिय प्रतिनिधिको रुपमा नेता बस्नेत खटिनुभएको छ । उहाँले सो बैठकमा बोल्नुहुँदै काठमाडौंको काँग्रेस कमजोर भए ७७ जिल्लाको काँग्रेस कमजोर हुने र बलियो भए ७७ जिल्लाकै काँग्रेस बलियो हुने तर्क प्रस्तुत गर्नुभयो । १ महिना चल्ने स्थानीय निर्वाचन अभियानमा विभिन्न रणनीति सहित घर घर जाने सन्दर्भ सहित भर्खरै सम्पन्न पार्टीको १४ औं अधिवेशनका असन्तुष्ट पक्षलाई एकतामा बाँध्ने काम समेत रहेको बताउनुभयो । 
सो बैठकमा विशेष गरि उपस्थितहरुबाट निर्वाचनमा दिईने जनप्रतिनिधिको टिकट ढिलाईले गर्दा तयारीमा समय अपुग हुने कारणले हार व्योहोर्नुपर्ने भएको गुनासो राखे । सो गुनासोको प्रतिउत्तर स्वरूप बस्नेतले यदि टिकट मात्र अगाडी फिक्स गरेर नहुने बताउनुभयो । उनका अनुसार संगठन बलियो भए जनप्रतिनिधिका लागि एक से एक जो सुकै उठाएपनी पार्टीले जित्ने पक्का रहेको दावी गर्नुभयो । यदि संगठन नै राम्रो नभए कसैले समय मात्र भएर पनि नजित्ने बताउनुभयो ।
हिजोबाट सुरु भएको चुनावी अभियान जिल्लाका १३८ वडा सहित क्षेत्र, पालिका सम्म विभिन्न कार्यक्रम गर्दै समापन गर्ने जिल्ला सभापति बानियाँ बताउनुभयो ।
