हेलम्बु
ह्योल्मो युवा संघका अध्यक्ष निमा ल्ह्योल्मोको सक्रियतामा हेलम्बुमा राहत वितरण गरिएको छ । ह्योल्मो लोटस होटल ट्रेनिङ सेन्टरका सन्चालक एवं हेलम्बुकै वासिन्दा समेत हुन् । उनको नेतृत्वमा आज हेलम्बु भीषण बाढीका कारण विस्थापित ५० परिवारलाई ५० प्रेसर कुकर, ८ बण्डल जस्ता पाता र हेलम्बु सामुदायिक अस्पताललाई २ सय पिस सेनिटरी प्याड वितरण गरिएको हो । 
सामाजिक अभियान्ता ह्याेल्माेले बाढिकाे दाेश्राे दिनदेखि २३ औं दिन सम्म हेलम्बुका पिडितहरुको माेबाइलमा व्यालेन्सका कारण सम्पर्क विहिन नहाेस भनी ई-सेवा मार्फत करिब रु.१५ ,०००/- काे रिचार्ज सेवा समेत दिएकाे उनले जानकारि दिए । 
वि.पी अध्ययन प्रतिष्ठान नेपाल , सिन्धुपाल्चोकका काेषाध्यक्ष निमा ह्याेल्माे हाल सामाजिक र राजनितिक दुवै क्षेत्रमा कृयशिल छन् । यस अभियानमा देश तथा विदेशबाट सहयाेग गर्ने सम्पुर्णलाई उनले धन्यवाद दिनुभएको छ । 
हेलम्बु-मेलम्चीमा गत असाढ १ गते आएकाे विनाशकारि बाढिका कारण यो क्षेत्र निकै प्रभावित बनेको छ । जसले गर्दा सयौं विस्थापित भएका छन् । काठमाडौंबासीको खानेपानीकाे मुख्य श्राेत समेत रहेकाे हेलम्बुले थुप्रै खेति याेग्य जमिन र धेरै संख्यामा मानविय क्षति समेत व्यहाेर्नु परेकाे थियो ।
