सिन्धुपाल्चोक
द बर्गर हाउस एन्ड क्रन्ची फ्राइद्वारा शनिबार हेलम्बुमा पहिरोबाट घरबारविहीन परिवारलाई राहत प्रदान गरेको छ । बाढीले घरबार विहीन भएका परिवारलाई रासनपानीको अभाव रहेकोले खाद्य सामग्री प्रदान गरेका हुन् । 
मेलम्ची हुँदै हेलम्बु जाने बाटो बाढीले बगाएपछि त्यहाँका पीडित परिवारहरू सम्म राहत नपुगेको खबर पाएपछि राहत सामग्रीसहित तत्काल गएको बर्गर हाउसका संस्थापक वसन्त लामाले जानकारी दिए ।
संस्थापक लामाले दिएको जानकारी अनुसार १ सय बोरा चामल‚ तेल, चाउचाउ‚ साबुन‚ त्रिपाल‚ जिरा स्पाइस‚ चिल्ली स्पाइस‚ टरमिक स्पाइस, सोलार प्यानल लगायतका सामग्री प्रदान गरेका हुन् । 
बर्गर हाउसकै अर्का सन्चालक थुप्तेन लामाका अनुसार करिब बर्गर हाउसबाट २ लाख २४ हजार ६ सय ८ र सर्लाहीका अभियन्ता सन्जीव मोक्तानबाट २ लाख ७१ हजार ६ सय ९० गरी ५ लाख ३४ हजार ३ सय ८ रुपैयाँ बराबरको राहत सामग्री प्रदान गरेको जानकारी दिए । 
यसअघि बर्गर हाउसले करिब १२ लाखको राहत मेलम्चीका बाढी पीडितलाई प्रदान गरिसकेको छ ।
