काठमाडौं
“इनफ इज इनफ” का सामाजिक अभियन्ताहरुको समुहले उपप्रधान तथा रक्षामन्त्री ईश्वर पोखरेल तथा स्वास्थ्य तथा जनसंख्यामन्त्री भानुभक्त ढकाल लगायत ओम्नी समुहका संचालक र स्वास्थ्य अधिकारी विरुद्ध अख्तियारमा उजुरी दर्ता गरेका छन । उजुरीमा कोभिड १९ को महामारीको बेला खरिद गरिएको स्वास्थ्य सामग्रीमा अनियमितता भएको उल्लेख छ । उजुरी कर्ता अभियन्ताहरुले उनिहरुको फोन कल डिटेल तथा अन्य माध्यमबाट भएको सम्पर्कको आधारमा छानबिन गर्न माग गरिएको छ । उजुरीमा पिसिआर किट खरिद ठेक्कामा ठुलो कमिसनको चलखेल हुन सक्ने भन्दै स्वास्थ्य मन्त्रालयका प्रवक्ता र विज्ञको सम्पत्ति छानबिनको दायरामा ल्याएर अनुसन्धान गर्न माग समेत गरिएको छ ।
उजुरीकर्ताले स्वास्थ्य सामग्री खरिद प्रक्रियाको यथार्थ , खर्च रकम, नियुक्ति भएका विज्ञको पारिश्रमिक लगायतका विषयमा स्वास्थ्य तथा जनसंख्या मन्त्रालयसंग सत्य तथ्य जानकारीको माग पनि गरेको छ । अख्तियारमा यो नै पहिलो उजुरी भनें होईन । उनिहरु विरुद्ध यसअघि पनि स्वास्थ्य सामग्री खरिदमा अनियमितताका भएको भन्दै अख्तियारमा उजुरीहरु परेको थियो ।
उजुरी पत्र ;
सुचना माग गरेको पत्र ;
