काठमाडौं
एक युवतीलाई आफ्नै आवासमा बोलाई बलात्कार गरेको आरोपमा सशस्त्र प्रहरी बलका प्रहरी वरिष्ठ उपरीक्षक (एसएसपी) अधिकारीलाई प्रहरीले नियन्त्रणमा लिएको छ । अधिकारीलाई एक महिलाले फोन मार्फत आफू बलात्कार भएको भनी कास्की प्रहरीमा खबर गरेको कास्कीका प्रहरी प्रमुख एसपी जीवन श्रेष्ठले जानकारी दिए । जसअनुसार अनुसन्धानका लागि उहाँलाई पक्राउ गरिएको छ ।
सशस्त्र प्रहरी बल तालिम केन्द्र पोखरामा कार्यरत एसएसपी अधिकारीलाई युवतीले आफूमाथि बलात्कार गरेको भनि आरोप मौखिक रुपमा प्रहरीमा उजुरी गरेका थिए ।
वरिष्ठ अधिकारीमाथि बलात्कार आरोप लागेपछि सशस्त्र प्रहरी बलका प्रदेश प्रमुख कविन्द्रमान श्रेष्ठ पनि तालिम केन्द्र पुगेका छन् ।
