काठमाडौं
नेपाल तामाङ घेदुङको नवौं महाधिवेशन सम्पन्न भएको छ । जसबाट पुन: नयाँ कार्यकाल गोलेले नै चलाउने भएको छ । गएको फागुन २९ बाट सुरु भएको महाधिवेशनमा अध्यक्ष पदका लागि गोले र बेली लामाको उम्मेदवारी परेको थियो । दुई जनाको उम्मेदवारी परेपछी निर्वाचनमा गएका थिए । मंगलबार राति सम्पन्न निर्वाचनमा गोलेको पक्षमा ४०१ मत र लामाको पक्षमा १०७ मत प्राप्त भएको हो ।
त्यस्तै समान सह-अध्यक्ष पदमा कुमार घिसिङ निर्वाचित भएको छ । घिसिङले ३२१ मत प्राप्त गर्नुभएको छ । समान सह-अध्यक्षका अर्का उम्मेदवार मित्रसेन योञ्जनले १४६ मत प्राप्त गर्नुभएको छ ।
वरिष्ठ उपाध्यक्षमा रामकृष्ण ब्लोन, उपाध्यक्ष सोमबले तामाङ, नरबहादुर मोक्तान, धर्म डुम्जन र मानबहादुर तामाङ, महिला उपाध्यक्षमा सन्चकुमारी ब्लोन र सिता लामा, महासचिवमा काजीमान थिङ, उपमहासचिवमा जगतमान दोङ र हर्कमान तामाङ, कोषाध्यक्षमा रुपबहादुर योन्जन,
सहकोषध्याक्षमा सावित्री तामाङ, सचिवमा जयमान वाइवा, गोमानसिं तामाङ, बेलबहादुर तामाङ र बिनाकुमारी माम्बा निर्वाचित भएका छन् ।
विभिन्न कारणवश रोकिएको घेदुङको महाधिवेशन करिब ६ वर्ष पछि भएको हो ।घेदुङ पछिल्लो समय विवादमा पर्दै आएको छ । केही समय अघि घेदुङले आफ्नै भवन खरिद गरेको र सो भवन पुर्ण रुपमा ऋणमा रहेको तथा भवन घेदुङ संस्था को हो या घेदुङद्वारा सन्चालन गरेको सहकारीको हो ? भन्ने विषयमा निकै विवादित समाचार बाहिर आएको थियो । पुनः निर्वाचित अध्यक्ष गोलेलाई यी विषय संगै पहिचानको विषयमा निष्क्रिय हुँदै गएको घेदुङलाई कसरी अगाडि बढाउने हुन् भन्ने विषयमा चासोको रुपमा लिने नै छ । 
