सिन्धुपाल्चोक
सिन्धुपाल्चोक जिल्ला नेपाल तरूण दल महाधिवेशन प्रतिनिधी तथा समाजसेवी युवा नेता सन्जय लामा (सिन्य) ले नेपाली काँग्रेस सिन्धुपाल्चोक जिल्ला उप-सभापति पदमा उम्मेदवारी घोषणा गर्नु भएको छ । 
माघ १५ गते हुँदै गरेको १४ औं जिल्ला अधिवेशनमा आफ्नो उम्मेदवारी रहेको लामाले विभिन्न माध्यमबाट घोषणा गर्नुभएको हो । उहाँले जिल्लाका पार्टीका नेताकार्यकर्ताहरु संगको छलफललाई तिब्र रुपमा अगाडी बढाईरहेको उहाँ निकट श्रोतले जनाए ।
लामाले वडा सभापतिहरु, क्षेत्रीय प्रतिनिधिहरु, प्रदेश प्रतिनिधि एवं महाधिवेशन प्रतिनिधिहरुलाई अमुल्य मत दिई अत्याधिक मतले विजय गराउनु हुन हार्दिक अनुरोध गर्नुभएको छ । लामा कोरोना, बाढी पहिरो लगायतका विपदका बेला पीडितहरुलाई राहत सहयोगमा खुलेर खट्नुभएको थियो । उहाँकै प्रत्यक्ष सहभागीतामा कोरोनाको पहिलो लहरका बेला काठमाडौंमा लकडाउनमा परि गुजारा चलाउन गाह्रो परेका सिन्धुवासीहरुलाई कोठाकोठा सम्म खाद्यान्न सहयोग पुर्याउनुभएको थियो । साथै नयाँबस्ती युवा क्लब काठमाडौं बौद्ध संग सहकार्य गरि धेरैलाई खाना खुवाउने मानवीय कार्य समेत गर्नुभएको थियो ।
