काठमाडौं
सिन्धुपाल्चोक जिल्ला नेपाली काँग्रेस पुर्व क्षेत्रीय सभापति जंग बहादुर लामाले १४ औं जिल्ला अधिवेशनमा सभापति पदका लागि उम्मेदवारी घोषणा गर्नुभएको छ । लामाले आजै सामाजिक संजाल मार्फत जिल्ला सभापति पदमा आफ्नो उम्मेदवारी रहेको जनाएका छन् ।
काँग्रेस वृत्तमा लामा प्रभावशाली युवा नेताको रुपमा लिईन्छ । उहाँ जिल्लाका हरेक नेता कार्यकर्ताहरु संग समेत राम्रो सम्पर्क र सम्बन्ध स्थापित गर्न सक्षम नेताको रुपमा चिनिन्छन् । लामा जिल्लामा मात्र नभै केन्द्रमा समेत प्रभावशाली नेता पुर्व मन्त्री एवं केन्द्रिय सदस्य मोहन बहादुर बस्नेतको निकट छन् ।
जन्मभूमि पोष्ट संग गरिएको छोटो संवादमा उहाँले आफ्नो उम्मेदवारी सिन्धुपाल्चोक काँग्रेसलाई सशक्त र सबल बनाउने उद्देश्यका साथ अघि सारेको बताउनुभयो । लामाले जिल्लाभरका वडा सभापतिहरु, सम्पुर्ण क्षेत्रीय प्रतिनिधि, प्रदेश प्रतिनिधि तथा महाधिवेशन प्रतिनिधिहरुमा युवा नेतृत्व र जुझारु नेतृत्वका लागि मतदान गर्नुहुन आग्रह समेत गरिएको छ ।
