सिन्धुपाल्चोक, मेलम्ची
हरेक क्षेत्रमा युवाहरुलाई जागरुक गराउने उद्देश्यका साथ स्थापित सिन्धु स्पाईडर युवा क्लब स्थापन भएको सुरुवाती चरण देखि नै समाजसेवामा अग्रसर हुँदै आएको छ । 
यस युवा क्लबले गत माघ ५ गतेका दिन स्थानीय क्यान्सर पीडितहरुका लागी सङ्कलित रू. १,५०,०००/- (एक लाख पचास हजार रुपैयाँ) सहयोग रकम हस्तान्तरण समेत गरेको हो । 
क्यान्सर पीडितहरु सन्च तामाङ्ग, सुकुलाल तामाङ्ग र कृष्णमाया तामाङ्गको उपचारका लागि जनही रु.५०,०००/- (पचास हजार रुपैयाँ) का दरले क्लबका अध्यक्ष श्री अरुण लामा ज्यू को अध्यक्षतामा नेपाली कांग्रेस सिन्धुपाल्चोक जिल्ला सभापती श्री विकाश लामा, नेपाली कांग्रेस सिन्धुपाल्चोक जिल्ला क्षेत्र नं २ का क्षेत्रीय सभापति श्री आइतमान स्याङबो, नेपाली काङ्ग्रेस क्षेत्र नम्बर-२ का सह सचिव एवं नेपाल तरुण दल सिन्धुपाल्चोक जिल्ला सचिव श्री जीत बहादुर थिङ र मेलम्ची नगरपालिका वडा नं ८ का वडा अध्यक्ष श्री ठंकराज गिरी लगायत सल्लाहकार तथा बुद्धिजीवीहरुको उपस्थितिमा सङ्कलित रकम क्यान्सर पीडितहरुलाई नेपाल बैंक लिमिटेडका चेक मार्फत सम्बंधित क्यान्सर पीडितहरुको आफन्तहरुलाई सामूहिक रूपमा हस्तान्तरण गरेका थिए ।
अध्यक्ष लामाले क्लबको यस्तै सामाजिक अभियानहरुमा साथ दिनुहुने सम्पूर्ण मनकारी तथा समाज सेवी सहयोगी दाताहरुलाई हार्दिक नमन तथा धन्यवाद ज्ञापन गर्नुहुन्छ । उहाँ भन्नू हुन्छ “हाम्रो अभियानहरू सधैं निरन्तर रूपमा चल्ने छन् र तपाईहरुको साथ, सहयोग, हौसला र अमुल्य सल्लाह सुझाबको भने अपेक्षा गरिएका छौ।”
