काठमाडौं
प्रचण्ड-नेपाल पक्षका अध्यक्ष प्रचण्डले युवहरुलाई आक्रमक र आवेग सहित आन्दोलनमा उत्रीन निर्देशन दिन्ह्भएको छ । राष्ट्रिय युवा संघ नेपाल केन्द्रिय कमिटिको दोश्रो पुर्ण बैठकलाई सम्बोधन गर्दै दहालले यस्तो अभिव्यक्ती दिएका हुन् । पार्टी केन्द्रीय कार्यालय पेरिसडाँडाँमा बोलाईएको बैठकमा बोल्दै अध्यक्ष प्रचण्डले भन्नु भयो, “लामो राजनीतिक आन्दोलनबाट प्राप्त नयाँ संविधानमाथि प्रधानमन्त्री केपी शर्मा ओलीले प्रहार गरेकोले नै आफूहरुमाथि आक्रामक हुनुपर्ने बाध्यता सिर्जना गरिदिएको छ । त्यसैले आवेश र आक्रोशसहितको जुझारु आन्दोलन गर्न जरुरी छ ।” त्यस्तै उहाँले युवाहरुलाई हौसला दिँदै आन्दोलनमा युवाहरु मात्रै नभई अग्रमोर्चामा आफू पनि सहभागी हुने उहाँको भनाइ थियो ।
अध्यक्ष प्रचण्डले संविधानमाथि प्रहार हुँदा सिंगो देश स्तब्ध भएपनि प्रधानमन्त्री केपी शर्मा ओली हाँस्दै हिडेको टिप्पणी गर्नुभयो । प्रधानमन्त्री ओलीले एकताको बेलाका सिद्धान्तलाई अतिक्रमण गरेको तथा पार्टीको संगठनात्मक मूल्यमान्यता बाहिर गएको उहाँको भनाइ छ ।
