काठमाडौं, दिपक कार्की
थापाथलीस्थित परोपकार प्रसूति तथा स्त्रीरोग अस्पतालमा एक महिलाले पाँच शिशुको जन्म दिएकि छ । नुवाकोटकी २८ वर्षीया सोमिका तामाङले एकै साथ पाँच शिशु जन्माएकी हुन् ।
सोमबार अस्पतालमा शल्यक्रियामार्फत पाँच शिशुको जन्मदिएको अस्पतालका निर्देशक डा. सङ्गीताकौशल मिश्रले जानकारी दिइन्। तीमध्ये एक मृत जन्मिएका छन् । बाँकी चार भने सकुशल छन्।
डा. मिश्रका अनुसार अहिले आमा र शिशुको अवस्था सामान्य नै रहेको छ। “आमा र बच्चाको अवस्था राम्रो छ । अक्सिजन दिनुपरेको छैन,” उनले भनिन्, “अहिले बच्चाहरुलाई शिशु उपचार सघन कक्षमा राखिएको छ।”
ती शिशुहरुको तौल क्रमशः पहिलाको तौल १.८ किलोग्राम, दोस्राको आठ सय ग्राम, तेस्राको १.९ किलोग्राम र चौथाको १.६ ग्राम छ । डा मिश्रका अनुसार जीवित शिशुमा चार जना छोरी हुन् ।
