दोलखा
दोलखा जिल्ला मेलुङ गाउँपालिका ४, भेडापुमा अवस्थित जुके मा.वि. मा युवा व्यवसायी अबिनाश गोलेद्वारा त्यहाँ अध्यनरत १३२ जना विद्यार्थीहरु लाई ट्र्याकसुट वितरण गरेको छ । विगतमा युवा समाजसेवी गोले यहि विद्यालयमा औपचारिक शिक्षा हाँसिल गर्नुभएको थियो । 
विद्यालय ब्यबस्थापन समितिको अध्यक्ष नवीन गोलेको सभापतित्व र युवा ब्याबसायी अबिनाश गोले कै प्रमुख अतिथ्यतामा उक्त सामन वितरण गरिएको हो । गोलेले आफुले क, ख, ग सुरुवात गरेको यस विद्यालयमा हाल अध्यनरत विद्यार्थी भाइबहिनीहरुलाई यसरी जाडोको समयमा न्यानो ट्रयाक सुट वितरण गर्न पाउँदा गर्व महशुस गरेको बताउनु भयो । 
जाडोमा न्यानो कपडा पाउँदा सो विद्यालयमा अध्यनरत विद्यार्थीहरु अत्यन्तै हर्षित देखिन्थे । जाडोको कारण विद्यालयमा नियमित उपस्थित हुन नसक्ने विद्यार्थी भाईबहिनीहरु अब न्यानो कपडा पाएपछी पढाई नछुट्ने वि.व्य.स. अध्यक्ष गोलेले जनाए । उनले समाजसेवी, दानी व्यक्तित्व अबिनाश गोलेको यो सामाजिक कार्यको खुलेर प्रशंसा गर्नुभयो ।
