सिन्धुपाल्चोक
जुगल गाउँपालिकाले अध्यक्ष शैक्षिक कोष छात्रवृत्ति कार्यक्रमको छात्रवृत्ति रकम वितरण गरेको छ। यस कार्यक्रमबाट विभिन्न शैक्षिक संस्थामा अध्ययनरत गाउँपालिका भित्रका २३ जना विद्यार्थीहरु छनौट भै लाभान्वित भएका छन्। २३ विद्यार्थीका लागि रु.६ लाख रकम आज कार्यक्रम गरि हस्तान्तरण गरिएको छ।
यो कोष गाउँपालिका अध्यक्ष रेशम स्याङ्बोको पहलमा सञ्चालन भएको हो। यस कोषबाट गरिबीको रेखामुनि रहेका विपन्न विद्यार्थीहरु जो प्राबिधिक शिक्षा अध्ययन गरिरहेको तथा जेहेन्दारलाई यस सहयोग गरिएको अध्यक्ष स्याङ्बोले बताउनुभएको छ।
स्याङ्बोका अनुसार जुगललाई शैक्षिक स्तरमा अघि बढाउन यो कोषले ठूलो सहयोग मिल्ने धारणा छ। आर्थिक विपन्नताका कारण पढ्न मन हुँदाहुँदै बिचैमा अध्ययन छाड्ने, प्राविधिक शिक्षा हाँसिल गर्न नसकिनेका लागि ठूलो रहात मिल्ने र यसलाई निरन्तरता दिने उनको सोचाइ रहेको जन्मभूमि पोष्टलाई जानकारी दिनुभयो। रकम हस्तान्तरण कार्यक्रममा उपाध्यक्ष हिमाल श्रेष्ठको पनि उपस्थिति रहेको थियो।
