सिन्धुपाल्चोक
नेपाल तरुण दल सुनकोसी गाउँ पालिका सिन्धुपाल्चोकका अध्यक्ष युवा नेता, युवा ब्यबसायी तथा समाजसेवी थुप्तेन लामाले वडा नं. ५ का अति विपन्न परिवारलाई खाद्यान्न सहयोग गर्नुभएको छ । कोभिड १९ बाट प्रत्यक्ष असर पारेको, आर्थिक अबस्था कमजोर र अति विपन्न वर्ग हरुको लागि दाल, चामल वितरण गरेका हुन् । 
राहत पाउनेमा दलित, वृद्धभत्ता पाउने उमेर भएपनी नपाएका एकल महिला पुरुष र दैनिक छाक टार्न धौधौ हुने परिवार रहेको लामाले जानकारी दिनुभयो । उनका अनुसार सो वडाका कोभिडका कारण बिहान बेलुका छाक टार्न गाह्रो भएका अन्यहरुको पनि पहिचान गरि छिटै खाद्यान्न वितरण गरिने जनाए । 
यस पल्ट लामाले व्यक्तिगत खर्चमा वडाका रतनकोट, सिल्कु, गोइमासेका ११ परिवारलाई वितरण गरीएको हो । “अहिले विश्व नै कोरोना महामारी सँग जुधिरहेको बेला हुने खानेले हुँदा खानेलाई सकेको सहयोग गर्नु पर्ने लामा बताउनुहुन्छ ।” उनले राहत वितरणमा सहयोग पुर्याउने सम्पुर्णमा धन्यवाद ज्ञापन समेत गर्नु भयो । 
लामाले यस अघि पनि अनाथ बालबालिकाहरुलाई सकेको सहयोग गर्दै आउनुभएको छ । राजनीति, व्यवसाय र समाजसेवामा अघि बढिरहेका उनले कोभिडबाट समस्यामा परेकाहरुको सहयोगमा स्वत: स्फुर्त रुपमा लाग्नुभएको छ ।
