सिन्धुपाल्चोक
सिन्धुपाल्चोक जुगल गाउँ पालिकामा YCL नेपालद्वारा स्वास्थ्य सामाग्री वितरण गरिएको छ । समाजसेवी दुर्गा श्रेष्ठ र जुगल गाउँपालिका Ycl को अध्यक्ष फुल काजी स्याङ्बो वानपिस को विशेष पहलमा सो सामाग्री जुगलको YCL कमिटीलाई हस्तान्तरण गरिएको हो । स्वास्थ्य सामाग्री भने सिन्धुपाल्चोक उद्योग वाणिज्य संघका सचिव ईश्वर गुभाजुले सहयोग गरेका हुन् । 
बिश्वभर महामारीको रुपमा फैलिरहेको नयाँ भेरियन्ट सहितको कोरोना भाइरसले जुगलका गाउँबासीलाई पनि आक्रान्त पारेको छ । यसबाट जोगाउने मुख्य उद्देश्य लिएर स्वस्थ्य सामाग्री सहयोग गरेको YCL जुगलका अध्यक्ष वानपिस स्याङ्बोले जन्मभूमि पोष्टलाई बताए । 
कोभिडको महामारीको बेला सबैले सकेको सहयोग गर्नु पर्ने धारणा व्यक्त गर्दै आफ्नो प्रयासमा ३० हजार मास्क जुगलका सबै वडाहरुलाई उपलब्ध गराएको जुगल गाउँपालिकाको जुझारु युवा नेता ईश्वर गुभाजुले बताउनुभयो ।
उनले कोरोनाको पीडा कस्तो हुन्छ ? सङ्क्रमित भएपछि मात्र थाहा हुन्छ । छ सात दिन भोक सहन सकिन्छ तर कोरोनाको पीडा सहन सकिन्न भन्दै गाउँगाउँमा जनचेतामूलक सन्देश दिन युवाहरुलाई आग्रह गर्नु भएको थियो ।
युवा नेता गुभाजुले दिएको जानकारी अनुसार जुगल ३ गुम्बामा ६,००० पिस, जुगल २ गोल्चेमा ५,८००, जुगल ४ पाङताङमा ३,५००, जुगल ५ बराम्चीमा ३,५००, जुगल १ सेलाङमा २,६००, ७ याङलाकोटमा ३,६००, जुगल ६ हगाम २,६०० का दरले वितरण भएको हो । यसरी स्वास्थ्य सामाग्री उपलब्ध गराएकोमा जुगल २ का वडा अध्यक्ष प्रताप लामाले जुगल YCL कमिटी र बिशेष रुपमा युवा नेता गुभाजुलाई धन्यवाद ज्ञापन गर्नुभएको थियो ।
