सिन्धुपाल्चोक
सशस्त्र प्रहरी बल नेपाल नं १६ गण हेट क्वाटर सिन्धुपाल्चोकले एक दिने स्वास्थ्य जाच तथाँ परामर्श कार्यक्रम सम्पन्न भएको छ ।
सिमाबासीसंग सशस्त्र प्रहरी कार्यक्रम अन्तर्गत विओपी तातोपानी र भोटेकोशी गाँउपालिकाको सहकार्यमा भोटेकोशीस्थित लार्चामा भएको स्वास्थ्य शिविरमा एक सय ४० स्थानीयबासी लाभम्वित भएका छन् ।
शिविरमा सिन्धु सदाबहार अस्पतल खाडीचौरको चिकित्सक टोली र शिविरका लागि भोटेकोशी गाँउपालिकाको स्वास्थ्य शाखाले औषधी उपलब्ध र अन्य समन्वय गरेको सिन्धुपाल्चोकका गणपति सशस्त्र प्रहरी उपरिक्षक राजेश्वर पोखरेलले जानकारी दिए ।
शिविरमा जनरल मेडिसियन,दन्त रोग,बालरोग,स्त्री रोग,छाला रोग,नशा रोग, हाडजोर्नी रोग आदिको स्वास्थ्य परीक्षण गरिएको छ ।
नेपाल चीन सीमाक्षेत्रमा हुने आपराधिक गतिविधि नियन्त्रण गर्न र अन्य समस्याहरूको सम्बोधन गर्न र स्थानीयसंग सम्बन्ध सुमधुर बनाउनका लागि कार्यक्रमले महत्वपुर्ण भुमिका खेल्ने उपरिक्षक पोखरेलले विश्वास लिएको छ ।
