काठमाडौं
सेतिदेवी युवा क्लव द्वारा आयोजित “प्रथम भयौली कुण्ड फुटसल प्रतियोगिता २०८०” को बिजेता मोनास्ट्री फुटसल क्लबले जितेका छन्। गत श्रावण २ गते गोकर्णेश्वर नगरपालिकाका उपप्रमुख सान्नानी लामाको प्रमुख आतिथ्यतामा उक्त प्रतियोगिता भव्यतका साथ सम्पन्न भएको हो।
उत्कृष्ट खेल प्रदर्शन गर्दै मोनस्ट्री फुटसलले पहिलो स्थान हासिल गर्दै ट्रफी मेडल सहित नगद ५० हजार र डुकु फुटसल हबले दोस्रो स्थान हासिल गर्दै ट्रफी, मेडल सहित नगद २५ हजार प्राप्त गरेका थिए।
कार्यक्रमको प्रमुख उद्देश्य सिन्धुपाल्चोक जिल्लाको बाह्रबिसे नगरपालिका वडा नं ६ मा अवस्थित प्राकृतिक सौन्दर्यले भरिपुर्ण, पुरानो इतिहास बोकेको, वरिपरि घना जंगलले ओगटेको, धार्मिक रूपले महत्वपूर्ण स्थान ‘भयौलीकुण्ड’ तथा ‘सिन्धुपाल्चोक बाह्रबिसे’ को प्रचारप्रसार, पर्यटन प्रबर्द्धन, र युवा पुस्तालाई एथलेटिक्स तर्फ ऊत्प्रेरित गर्ने रहेको कार्यक्रम संयोजक रमेश गोले लामाले बताएका छन्।
