काठमाडौं
केही हप्ता देखि ब्रेन ह्युमरेज भई उपचाररत वरिष्ठ मिडियाकर्मी दिपेन्द्र बिक्रम दोङको दु:खद निधन भएको छ। मेडिसिटी अस्पतालमा उपचाररत उहाँको शनिबार अपरान्ह निधन भएको हो। दोङ सदाबहार तामाङ गीतहरुका श्रष्टा, दोस्रो तामाङ चलचित्र निर्देशक एवं लेखक समेत हुन्।
उहाँको निधनबाट नेपाली मिडिया जगत, पत्रकारिता, कला साहित्य क्षेत्रमा अतुलनीय क्षति पुगेको छ ।
काभ्रेको तेमालमा जन्मेर राजधानी कर्म क्षेत्र बनाएका दोङ पछिल्लो समय जनता टेलिभिजन, जनता रेडियो हुदै मध्यान्ह दैनिकको सिइओको रुपमा कार्यरत हुनुहुन्थ्यो ।
उहाँका “चु ग्यालम खलाङ निला”,”झेलि लाजि जिन्दगीसे” लगायत दर्जनौं गीतहरु कालजयी छन् ।
दोस्रो तामाङ चलचित्र “मयुङ बुरिङ” का निर्देशक दोङले पछिल्लो दशक लेखन निर्देशन गरेका चलचित्र “नालिस” अन्तराष्ट्रिय आदिवासी चलचित्र महोत्सवमा पुरस्कृत भएको थियो भने गीति नाटक “जेसुम” पनि तामाङ साहित्यमा महत्वपूर्ण मानिन्छ ।
