![](https://www.janmabhumipost.com/wp-content/uploads/2022/11/Picsart_22-11-24_01-02-41-792-scaled.jpg)
सिन्धुपाल्चोक
सिन्धुपाल्चोक क्षेत्र नम्बर १ बाट लोकतान्त्रिक वाम गठबन्धनका साझा उम्मेदवार माधव सापकोटा सुबोध विजयी भएका छन।
माओवादी केन्द्रका पोलिटब्युरो सदस्य सुबोध एमालेका सरेश नेपाललाई ३३५४ मतले पछि पार्दै विजयी भएका हुन। उनले ३०३७४ मत प्राप्त गरे । निकटतम प्रतिद्वन्दी नेपालले २७०२० मत प्राप्त गरेका छन् ।
जनयुद्धकालीन राजनीतिबाट हुर्केका ४० वर्षीय उनी पहिलो पटक उम्मेदवार बनेर चुनावी मैदानमा उत्रिएका थिए । उनी जनयुद्धका ज्युँदो योद्धा समेत हुन् । १० वर्षे युद्धकालमा सानै उमेरमा राजनितिक, सामाजिक परिवर्तनका लागि क्रान्तिमा होमिएका सुबोध युवाहरु माझ अनि सिन्धुवासी मतदाता माझ नयाँ उम्मेदवार संगै लोकप्रिय व्यक्तित्व हुनुहुन्छ।
सभामुख अग्निप्रसाद सापकोटाले युवा पुस्तालाई मौका प्रदान गरेपछि पार्टीले उनलाई उम्मेदवार बनाएको थियो ।