काठमाडौं
प्रहरी वृत्त बौद्धले दशैं नजिकिँदै गर्दा विभिन्न मिडियाका पत्रकारहरु संग अन्तर्कृया कार्यक्रम गरेको छ । प्रहरी प्रमुख हरि बस्नेतको कार्यकक्षमा गरिएको छोटो अन्तर्कृयामा चाडपर्व नजिक हुन सक्ने विभिन्न आपराधिक गतिविधि, त्यस्ता घटना हुनसक्ने स्थान, घटनाको प्रबृत्ति बारे पत्रकारहरुले सरसल्लाह, सुझाव दिएका छन् । 
जसमा बौद्ध प्रहरीको क्षेत्रधिकार भित्र पर्ने स्थानहरुमा भैरहेको गैरकानुनी क्रियाकलाप, लागूऔषध दुर्ब्यसनीहरुको अवस्थाका बारेमा समेत जानकारी लिनेदिने कार्य भएको छ । बौद्ध प्रहरी प्रमुख बस्नेतले आफुले नेतृत्व लिएदेखी हरेक किसिमका अपराधमा शून्य सहनशीलता अपनाउँदै आएको बताउनुभयो ।
उहाँले कार्यभार सम्हालेदेखि अहिले सम्ममा अपराध रोकथाम र कारबाही गरेका विषयमा समेत जानकारी दिनुभयो । बस्नेतका अनुसार हाल सबैभन्दा प्रहरीका लागि लागूऔषध दुर्व्यसनीमा फसेका सानो उमेरका युवायुवतीहरुलाई जोगाउनु चुनौतीपुर्ण रहेको बताए । यो समस्या हाल देशव्यापी रुपमा फैलिरहेको उहाँको भनाइ छ । यसलाई चाँडोभन्दा चाँडो स्थानीय सरकारले समेत चासो दिएमा प्रहरीको साथ सहयोग रहने र त्यसलाई कम गराउन सक्ने बताउनुभयो । 
