काठमाडौं
दुई अधिवक्ता बिच बार एसोसिएसनकै प्रांगणमा किक बक्सिङ चलेको छ । अधिवक्ता विराट न्यौपानेले अर्का अधिवक्ता भूमिनन्द चुँडाल माथी बक्सिङ र किक प्रहार गरेको हो । जवाफीमा चुँडालले पनि न्यौपाने माथी किक हान्ने प्रयास गरेका छन् ।
अधिवक्ता चुँडालले इजलास चल्नुपर्ने राय राखेर मिडियामा आफ्नो भनाई राखिरहेको बेलामा अधिवक्ता न्यौपानेले उनीमाथि प्रहार गरेको बताईएको छ । न्यौपानेले चुँडाललाई दलालको संज्ञा दिँदै इजलास चल्न दिन नहुने पक्षमा देखिएको छ ।
घटना इजलास चल्न दिनुपर्ने र दिन नहुने पक्ष र विपक्षका कारण भएको बुझिएको छ । कुटाइ खाएपछि चुँडालले राजा आउनुपर्ने धारणा समेत राखेका छन् । केही दिन यता प्रधानन्यायाधीश चोलेन्द्र समशेरको राजिनामा माग गर्दै बार आन्दोलनमा उत्रिएका छन् । प्रधानन्यायाधीश समशेरले आफुले राजिनामा नदिने बताईसकेका छन् । 
