नयाँदिल्ली, एजेन्सी
भारतीय गृहमन्त्री अमित शाहलाई कोरोना भएको प्रमाणित भएको छ । उहाँले आफ्नो ट्विटरमा ट्विट गर्दै यसको जानकारी दिएका हुन् ।
उहाँले ट्विट मार्फत कोरोनाको सुरुवाती लक्षणमै टेस्ट गर्दा पोजिटिभ आएको उल्लेख गरेका छन् । उहाँको अवस्था ठिक रहेको र डाक्टरको सल्लाह अनुसार अस्पताल भर्ना भएकोले उहाँ संग भेटेका सबैजनालाई आईसोलेट भै परिक्षण गर्न अनुरोध गरेका छन् ।
कोरोना भाइरसको उच्च जोखिमको क्षेत्रको रुपमा भारतलाई लिईएको थियो । जहाँको जनसंख्या हेर्दा भयभह अवस्था आउन सक्ने चेतावनी विश्व स्वास्थ्य संगठनले समेत दिसकेका थिए । भारतिय स्वास्थ्य मन्त्रालयले बताए अनुसार अहिले सम्ममा १७ लाख ५० हजार ७२४ जनामा कोरोना संक्रमण देखिएको छ भने ३७ हजार ३ सय ६४ जनाको मृत्यु भैसकेको छ । अहिलेसम्म ११ लाख ४५ हजार संक्रमित निको भएका छन् भने ५ लाख ६७ हजार सक्रिय संक्रमितको उपचार भइरहेको छ ।
हाल भारतमा दैनिक ५० हजारभन्दा बढी मानिसमा कोरोनाको संक्रमण भैरहेको र पछिल्लो २४ घन्टामा मात्रै भारतभर ५४ हजार ७ सय ३६ जनामा कोरोना संक्रमण पुष्टि भएको छ भने ८ सय ५३ जनाको मृत्यु भएको छ ।
