सिन्धुपाल्चोक
चौतारा साँगाचोकगढी नगरपालिका-३ खाले मानेडाँडामा भिमसिन मन्दिर उद्घाटन गरिएको छ। नेपाली काँग्रेस बागमती प्रदेशका सदस्य निमाजाङ्बु शेर्पाको प्रमुख आतिथ्यता एवं नेपाली काँग्रेस बागमती प्रदेश महाधिवेशन प्रतिनिधि थुप्तेन ग्याल्बो लामाको विशेष आतिथ्यतामा उक्त कार्यक्रम सुसम्पन्न भएको हो।
त्यस्तै कार्यक्रममा नेका प्रदेश महाधिवेशन प्रतिनिधि लालकाजी तामाङ, दोलखा जिल्ला नेका क्षेत्रीय उपसभापति सुवास लामा लगायतको समेत उपस्थिति रहेको थियो। साथै चर्चित कलाकार प्रेम लोप्चन, आस्मान लोप्चन, प्रदिप लामा र रोश्न लुङ्बाद्वारा सांस्कृतिक मनोरञ्जन दिलाएका थिए।
भिमसेन मन्दिर निर्माणका लागि प्रमुख अतिथि शेर्पाको पहलमा रु.१० लाख बजेट बागमती प्रदेशबाट विनियोजित भएको थियो। सो रकमबाट पक्की मन्दिर निर्माण भएको छ। पुर्खौं देखि भिमसेनको रुपमा पुज्दै आएको मन्दिर निर्माण पछि स्थानीय खालेबासी हर्षित भएका छन्।
