सिन्धुपाल्चोक
नेपाल ट्रेड युनियन काँग्रेस सिन्धुपाल्चोकले जिल्ला प्रशासन कार्यालयलाई ध्यानकार्षण पत्र बुझाएको छ । सरकारले वर्तमान समयको मुल्य वृद्धि र महंगीलाई ध्यानमा राखी श्रमजिविहरुको पारिश्रमिक न्यनतमा २५ हजार हुनुपर्ने भन्दै श्रम तथा रोजगार मन्त्रलयमको ध्यानकार्षण गर्न प्रमुख जिल्ला अधिकारी रमेश न्यौपानेलाई नेपाल ट्रेड युनियन काँग्रेस पत्र बुझाएको हो ।
आकाशिदो महंगीको वर्तमान अवस्थामा सवै क्षेत्रका श्रमिकहलाई एकरुपता हुनेगरी न्यनतम पारिश्रमिक कायम हुनुपर्ने नेपाल ट्रेड युनियन काँग्रेसको अडान छ । श्रमिकको हक र हितका लागि सरोकार निकायसंग छलफल र संवादमा समेत अडान राख्दै आएको छ सिन्धुपाल्चोकका अध्यक्ष इश्वरी प्रसाद न्यौपानेले बताए ।
सरकारले श्रमिकहरुको न्यनतमा पारिश्रमिक रु २५ हजार निर्धार नगराए श्रमजिविहरुको हकहितका र अधिकारका लागि नेपाल ट्रेड युनियन सिन्धुपाल्चोक काँग्रेसले कडा भन्दा कडा कदम चाल्न बाध्य हुने सम्बन्धित निकाय र सवै पक्षमा जानकारी गराएको अध्यक्ष न्यौपानेले बताए ।
प्रमुख जिल्ला अधिकारी रमेश न्यौपानेले ध्यानकार्षण पत्र बुझ्दै ट्रेड युनियन काँग्रेस सिन्धुपाल्चोकले बुझाएको पत्र श्रम मन्त्रलयसम्म पुर्याउने प्रतिबद्धता जनाएका छन् । ध्यानकार्षण पत्र बुझाउन केन्द्रिय सदस्य प्रदीप आचार्य, उपध्यक्ष सुर्य बहादुर कार्की, कोषध्यक्ष रामचन्द्र लुइटेल, प्रदेश अध्यक्ष इश्वरीमान दोङ, काउन जिल्ला अध्यक्ष अर्जुन खनाल, उपमहासचिव गजेन्द्र पुडाशैनी, हिमालय बम र मधु भटराईको उपस्थित भएका थिए ।
