सिन्धुपाल्चोक
बलेफी गाउँपालिका वडा नं. ४ का वडा अध्यक्ष सुर्जे तामाङ (जागरण) ले संचालन गर्दै आएको लप्से युवा जागरण कृषि तथा पशुपंक्षी फर्ममा आगालागी भएको छ । घटनामा परि सोही वडाका राजु कार्कीका छोरा ३ वर्षिय बालक निर्जल कार्कीको मृत्यु भएको खबर प्राप्त भएको छ । मृतक कार्कीको अभिभावक फर्ममा काम गर्दै आएका छन् ।
करिब ८ बजे भएको आगालागीले लाखौंको क्षती भएको छ । दर्जनौं बाख्रा र बंगुर पाल्दै आएको फर्ममा दाना स्टोर हाउसमा घटना भएको हो ।
घटनाका बारेमा बिस्तृत बुझ्न इलाका प्रहरी जलबिरे र प्रहरी चौकी बलेफी घटना स्थल पुगेको छ । थप जानकारी पछि आउने जनाएको छ ।
