सिन्धुपाल्चोक
बलेफी बजार जिल्लाकै एक महत्वपूर्ण ऐतिहासिक बजार हो । यहाँ वर्षेणी हिन्दुहरुको महान चाड दिपावलीका बेला विभिन्न सांस्कृतिक कार्यक्रम गर्दै आइरहेको छ । यसै सिलसिलामा यो वर्ष पनि यहि कार्तिक ९ गते गोवर्धन पुजाका दिन छैटौं दिपावली सांस्कृतिक साँझ हुने भएको छ ।
नव प्रतिभा युवा क्लबद्वारा आयोजना हुने यस कार्यक्रममा मुख्य आकर्षणका रुपमा ख्यती प्राप्त कलाकारहरु चेतन सापकोटा, डान्सर बिनु शाक्य, प्रीतम तामाङ, ब्लुसोम कार्की र मनिशा श्रेष्ठ लगायत स्थानीय प्रस्तुतिहरु हेर्न पाइने आयोजकले जनाए ।
साथै कार्यक्रममा खुल्ला नृत्य प्रतियोगिता समेत हुनेछन् । प्रतियोगिताका लागि दर्ता शुल्क रु. ५ सय राखिएको छ । पुरस्कार स्वरुप क्रमशः प्रथमले २५, दृतियले १५ र तृतीयले ५ हजार रुपैयाँ सहित प्रमाणपत्र र मेडल पाउनेछन् ।
