काभ्रे
हिजो सम्पन्न पुर्व अरनिको यातायात प्रा.लि. को सम्पन्न निर्वाचनबाट युवा नेता केदार क्षेत्री अत्याधिक बहुमतका साथ अध्यक्ष पदमा बिजयी भएका छन् । उनी १० वर्ष अघि पनि अध्यक्ष भै काम गरेका यातायात व्यवसायी हुन् । १० वर्ष पछि पुनः नेतृत्वमा उनैलाई व्यवसायीहरुले साथ दिएका छन् ।
क्षेत्रीले २९७ मत ल्याई बिजयी भएका हुन् । उनको प्रतिद्वन्द्वीहरु उद्दव गौतमले १२६ र निर्पध्वज महतले ११८ मत प्राप्त गरेका छन् । ५ सय ८३ सदस्य रहेको यातायात प्रा.लि. को अबको कार्यकालमा उनले बसपार्क नभै समस्या भोगिरहेकोले यसको समाधान गर्ने प्रतिबद्धता उनले जनाएका थिए । त्यस्तै यस भित्र व्यवसायीहरुको थुप्रै समस्या रहेकोले समाधान गर्ने पनि उनले बताएका थिए ।
क्षेत्री सिन्धुपाल्चोक बलेफी गाउँपालिकाका निवर्तमान अध्यक्ष समेत हुन् । उनी नेपाली काँग्रेसका प्रभावशाली युवा नेता समेत हुन् ।
