![](https://www.janmabhumipost.com/wp-content/uploads/2022/07/Picsart_22-07-25_13-50-12-172-scaled.jpg)
काठमाडौं
विभिन्न व्यक्तित्वहरुले आफ्नो जन्मदिनको अवसरमा साथीभाई बटुल्दै ठूलो बर्थ डे पार्टी दिने गर्दछन् । तर यही भिडमा केहिले भनें समाजमा जन्मदिनको भोज खुवाउने हैन कि केही सामाजिक कार्य गरेर यो अवसर मान्ने गर्छ्न् ।
हो, यस्तैमा नेपाली काँग्रेस बागमती प्रदेश प्रतिनिधि एवं तरुण दल सुनकोसी गाउँपालिका सिन्धुपाल्चोकका अध्यक्ष थुप्तेन ग्याल्बो लामाले आफ्नो जन्मदिनको सुअवसरमा किर्तिपुरमा अवस्थित HIV (एच.आइ.भि.) संक्रमित बालिबालिका अध्ययन गर्ने बिश्वकै पहिलो विद्यालय तथा ती बालबालिका हेरचाह गर्ने आश्रम बेबि लाइफ होमलाई खाद्यान्न सहयोग गर्नुभएको छ ।
उहाँ आज आश्रममै खाद्यान्न लिएर पुग्नुभएको थियो । सो विद्यालयमा अध्ययनरत २७ जना नानी बाबुहरुको लागि केही आबश्यक खाद्य सामाग्री कोशेली स्वरुप हस्तान्तरण गर्ने अवसर पाएकोमा उनले अत्यन्तै खुशी महशुस गरेको बताउनुभयो । लामाले थप्दै भन्नू भयो, “यो मेरो पहिलो पल्ट भनें हैन, यस अघि पनि मैले जन्मदिनको अवसरमै खाद्यान्न सहयोग गरेका थियौं । म आफ्नो यो अवसरमा सानोतिनो नै किन नहोस् यी र यस्ता बालबालिकाहरुलाई सहयोग गर्न पाउनु भाग्यको कुरा जस्तो लाग्छ ।”