काठमाडौं
बजेटमा करको दर हेरफेर गर्न अनधिकृत व्यक्तिलाई संलग्न गराएको गम्भीर आरोप खेप्दै आएका अर्थमन्त्री जनार्दन शर्माले आज प्रतिनिधि सभामा सम्बोधन गर्दै राजीनामा दिएको छ । गत जेठ १४ गते अर्थमन्त्रालयमा बजेट निर्माणको क्रममा अनधिकृत व्यक्तिको प्रवेश भएको खबरहरु बाहिरिए संगै प्रमुख प्रतिपक्षी एमालेले विरोध गर्दै आएको थियो ।
विभिन्न सामाजिक संजालहरु र समाचारहरुमा शर्माको राजिनामा माग गर्दै मन्त्रालयको सिसिटिभी फुटेज हेर्न आवाज उठेको थियो । तर मन्त्री शर्माले गैरजिम्मेवार तरिकाको जवाफ दिँदै आएका थिए । पछिल्लो समय फुटेज डिलेट भएको भन्ने खबर आउनसाथ शर्माको विषयलाई लिएर प्रधानमन्त्री देउवा र माओवादी अध्यक्ष प्रचण्ड माथी झनै ठूलो संकट उत्पन्न भएको छ । जसले गर्दा पनि अन्ततः मन्त्री शर्माले राजिनामा दिनैपर्ने बाध्यता परेको छ ।
आजै यस विषयमा आवश्यक छानबिन गर्न ११ सदस्यीय समिती गठन भएको छ । समितिले १० दिन भित्र आवश्यक छानबिन गर्ने समय तोकिएको छ । संसदीय छानविन विशेष समितिमा विभिन्न दलका तर्फबाट रहेका सांसदहरुमा देव गुरुङ, प्रदिप ज्ञवाली, खगराज अधिकारी, पुष्पा भुसाल, सरला कुमारी यादव, भानुभक्त ढकाल, विमला बिक, लक्ष्ममणलाल कर्ण, शक्तिबहादुर बस्नेत, सीताराम महतो र सुरेन्द्र प्रसाद यादव रहेका छन् ।
