काठमाडौं
विवाह गरेपछि सबैले आफ्नो एउटा सुन्दर सपनाको कल्पना गरेको हुन्छ । उमेर पुगेको जो कोहिले एउटि सुन्दर मन भएकी जीवन संगिनीको आशा गरेको हुन्न भन्न सकिन्न । यस्तैमा फुर्वाले पनि सपना देख्नु स्वभाविक नै भयो । तर फुर्वाको त्यो सुन्दर दाम्पत्य जीवन जिउने सपनालाई गद्दार गर्दै धोकामा परिणत गरिदिईन् भावना तामाङले ।
उनै भावना तामाङ यति बेला प्रहरीले ठगीको आरोपमा पक्राउ गरेकी छन् । उनले फुर्वा संग विवाहको नाटक गरि आफ्नो विगत गलत बताएर विवाह गरेको र विवाहपछि सम्पति आफ्नो बनाएको आरोपमा पति फुर्वा मोक्तानले उनी विरुद्ध उजूरी दिएका थिए । मोक्तानको उजुरीका आधारमा जिल्ला प्रहरी परिसर भक्तपुरले गोकर्णेश्वर बस्दै आएकी भावना तामाङलाई पक्राउ गरेको हो ।
भावना सिन्धुपाल्चोक पिपलडाँडा–८ स्थायी घर भई हाल काठमाडौं जिल्ला गोकर्णेश्वर–५ नयाँ बस्ती बस्दै आएकी थिईन । उनि ३८ वर्ष भएकी छिन् । उनी विरुद्ध झन्डै डेढ करोड नगद, गरगहना र ससुराको नाममा रहेको घर, जग्गासमेत आफ्नो नाममा गरेर जापान गई सम्पर्क विहीन भएको आरोप लागेको छ । सोही आधारमा भावनाको बारेमा पतिले परराष्ट्र मन्त्रालय, विभिन्न महिला संघसंस्थाहरुमा उजुरी गरे पछि भावना नेपाल फर्किएकी थिइन ।
ठगी आरोपमा जेठ ३० मा उनलाई पक्राउ गरेर अनुसन्धान भइरहेको जिल्ला प्रहरी भक्तपुरले जनाएको छ । भावनाले रौतहटको चपुर नगरपालिका वडा नं. २ फूलबारीका फुर्वा मुक्तानसँग विवाह गरेकी थिइन् ।
विवाहपछि फकाएर पैतृक र निजी सम्पति भावनाले आफ्नो नाममा पारेर टाढा हुन खोजेको फुर्वाको आरोप छ । सम्पति हत्याएर सम्बन्ध अन्त्य गर्न खोजेको र भावनाबाट आफु ठगिएको फुर्वाको आरोप छ ।
भावनाविरुद्ध ठगी मुद्दामा म्याद लिएर अनुसन्धान भइरहेको प्रहरीले जनाएको छ। अहिले घटनाको अनुसन्धान भइरहेको र प्रमाणित भएमा जरिवानासहित १० वर्षसम्म जेल जान सक्ने कानुनी प्रावधान रहेको छ ।
