सिन्धुपाल्चोक
जिल्लाको बाह्रबिसे नगरपालिकामा गएको २०७४ सालको स्थानीय चुनाव र हाल सालैको स्थानीय चुनावमा मेयरका उम्मेदवार बनेका बुद्धराज बस्नेत नेपाली काँग्रेसमा प्रवेश भएका छन् । उनी नेकपा माओवादीका तर्फबाट दुई पल्ट नगरको प्रमुखमा उठेका थिए । उनी संगै दर्जनौं माओवादी कार्यकर्ताहरु समेत काँग्रेस प्रवेश भएका छन् ।
बस्नेतलाई नेपाली काँग्रेसका प्रभावशाली केन्द्रिय सदस्य एवं पुर्व मन्त्री मोहन बहादुर बस्नेत, नेपाली काँग्रेस बागमती प्रदेशका सह-महामन्त्री हरिशरण श्रेष्ठ, बाह्रबिसे नगरका प्रमुख बालकृष्ण बस्नेत लगायतले भव्य स्वागत गरेका हुन् । उनलाई आज एक कार्यक्रमका बीच पुर्व मन्त्रीले टीका लगाई पार्टीको सदस्तता समेत वितरण गर्नुभएको छ ।
उनी माओवादी केन्द्र बागमती प्रदेश कमिटी सदस्य समेत हुन् । बस्नेतले पार्टी परित्याग गर्नुको छोटो कारण खुलाउनुभएको छ । उहाँले मन्तव्यको क्रममा भन्नू भयो, “हामीले आदेश भनेंको कमान्डरको मान्ने हो, माओवादी पार्टीको कमान्डर भनेंकै प्रचण्ड हुन् । तर प्रचण्डको आदेश मान्दै गर्दा समेत पार्टीका केही साथीहरुले मलाई गद्दारी गर्यो, बेइमान गर्यो भनेंर आरोप लगायो र गद्दार समेत घोषणा गर्यो । त्यो दिन यस्तो लाग्यो कि, म स्थानीय निर्वाचन २०७४ सालमा काँग्रेस छोडेर माओवादी केन्द्रको टिकट ल्याउँदै गर्दा समेत काँग्रेसले आजको दिन सम्म कारबाही गरेन, त्यसैले मलाई लाग्यो, राजनीतिमा कम्युनिस्ट र लोकतान्त्रिकमा यति फरक हुँदोरहेछ भन्ने थाहा पाएँ । जुन दिन मलाई माओवादीले गद्दार घोषणा गरेर पार्टीको साधारण सदस्य समेत नरहने गरि कारबाही गर्यो त्यो दिन सम्झेर अब काँग्रेसमै बसेर राजनीति गर्छु भनेंर आजबाट प्रवेश भएँ ।”
