काठमाडौं
सिन्धुपाल्चोक जिल्ला इन्द्रावती ११ का कल्पना माझिको छोरा ब्लड क्यान्सर पीडित बर्ष २ को स्पन्दन माझीको उपचारका लागि नगद सहयोग गरिएको छ । नेपाली काँग्रेस सिन्धु-काठमाडौं सम्पर्क समिति निर्वाचन क्षेत्र नं. २ द्वारा बालकको उपचारमा सहयोग पुगोस् भन्ने हेतुले रु. १५ हजार ७ सय ५५ (पन्ध्र हजार सात साय पचपन्न रुपैयाँ) नगद बालकको अभिभावक राम जि माझी लाई हस्तान्तरण गरिएको सम्पर्क समितिका संयोजक उद्दव बानियाँले जन्मभूमि पोष्टलाई जानकारी दिनुभयो ।
बानियाँले बालकको अभिभावकको आर्थिक स्थित अत्यन्तै दयनीय रहेकोले दानी व्यक्तिहरुमा सहयोगको अपिल समेत गर्नुभएको छ ।
उनका अनुसार सिन्धुपाल्चोक जिल्लाबाट काठमाडौं आइ बसोबास गर्ने सम्पुर्णको सहयोग र सहकार्यको निम्ति यस संस्था निरन्तर लागि पर्ने बताउनुहुन्छ ।
