सिन्धुपाल्चोक
सिन्धुपाल्चोकलाई फेरि अर्को बज्रपात आइपरेको छ। जिल्लाको बाह्रविसे नगरपालिका वडा नं ७ घुम्थाङको नागपुजेमा गएराती खसेको पहिरोले कम्तिमा ८ घर र भीरखर्कमा कम्तिमा १० घर पुरिएको खबर प्राप्त भएको छ। स्थानीय शिक्षक बजीर भण्डारीका अनुसार दुवै ठाउँमा गरि २३ भन्दा बढी बेपत्ता छन् । अहिले सम्ममा ७० वर्षमा बृद्ध महिला सहित २ जनाको लास फेला पारेको जानकारी आएको छ।
घटना स्थलमा सशस्त्रका उद्धार टोलि पुगेका छन्। त्यस्तै स्थानीयले पनि खोजिकार्य जारी राखेको छ। घाइतेहरुको उद्धार गर्दै सुरक्षित स्थान तर्फ सारेको र उपचारका लागि भनें अझै लान नसकिएको जानकारी आएको छ। बाँकी विवरण भनें आउन बाँकी रहेको छ।
