सिन्धुपाल्चोक
नेपाली काँग्रेस सिन्धुपाल्चोकमा केन्द्रको निर्देशन अनुसार “घर घर जाऔं काँग्रेस जिताऔं” अभियान विभिन्न स्थानीय तहहरुमा भव्य रुपमा शुभारम्भ भैरहेको छ । अभियानमा जिल्ला सभापति जंग बहादुर लामा र उहाँको टिम निकै उत्साह पुर्ण रुपमा खटिरहनुभएको छ । उहाँ संगै जिल्ला सचिब रमेश भण्डारी समेत तोकिएका कार्यक्रमहरुमा सरिक भैरहनुभएको छ । यस अभियानमा केन्द्रबाट खटिनुभएका केन्द्रिय प्रतिनिधि केन्द्रिय सदस्य गंगा लक्ष्मी अवाले हुनुहुन्छ । त्यस्तै पुर्व गृहराज्य मन्त्री विष्णु विक्रम थापा सहित अन्य नेता कार्यकर्ताहरु लगातार कार्यक्रममा लागिरहनुभएको छ । 
यस अभियानको क्रममा जिल्लाको क्षेत्र नं. २ तर्फको हेलम्बु गाउँ पालिका र मेलम्ची नगरपालिकामा शुभारम्भ भैसकेका छन् । यी स्थानीय तहहरुमा यस कार्यक्रमको सुरुवात गर्दै नव निर्वाचित जंग बहादुर लामाले आफुले जिल्लाको नेतृत्व सम्हाल्दै गर्दा पार्टीलाई १ नं. को बनाउने अभियानमा निरन्तर लाग्ने र बनाई छाड्ने घोषणा गर्नुभएको छ । उहाँले भन्नू भयो, “हाम्रो नव निर्वाचित टिम पार्टीको हितको निम्तो जतिसुकै खट्न तयार रहेको छ । सम्पुर्ण पार्टीका साथीहरुले राय, सल्लाह, सुझाव सहित हामीलाई मार्गनिर्देशन दिनुहुनेछ भन्ने आशा छ ।” 
जिल्लामा काँग्रेसले चुनावी अभियानलाई तिव्र रुपमा अघि बढाईएको छ । २ निर्वाचन क्षेत्र रहेको यस जिल्लामा चैत महिनाभर विभिन्न स्थानमा प्रशिक्षण सहित चुनाव केन्द्रित कार्यक्रम हुने जिल्ला सचिब भण्डारीले जानकारी दिनुभयो । दैनिक जसो कार्यक्रमको तालिका रहेकोले हरेक ठाउँमा पार्टीलाई सशक्त रुपमा संगठन अघि बढाउन लागिरहेको उनले बताए ।
