सिन्धुपाल्चोक
सिन्धुपाल्चोक जिल्ला बलेफी गाउँपालिका ३ धुस्कोट मच्छे गाउँमा घर भै हाल मुग्लान मलेसियालाई बिगत १० बर्ष देखी कर्म थलो बनाउँदै आईरहेका ङेमा दोर्जे गोलेले संगीत मार्फत आफ्ना वास्तविक जीवन कहानी पोखेका छन्। गीतमा आफु सानै उमेर मै टुहुरा भएको र साना सान भाई बहिनीहरु हेरचाह देखी सबै खाले जिम्मेवारी आफ्नो काँधमा आईपरेको र सबै खाले जिम्मेवार बहन गर्दै दु:ख सम्हाल्दै दु:ख सुख जिबन चलाउँदै आएको विषयलाई बिशेष रुपमा उठाएका छन्। गोलेको बुबा सानैमा हत्या भएको र जन्मदिने आमा भुकम्पबाट बितेको कहालीलाग्दो घटनलाई चित्रण गरिएको छ।
यस गीतको शब्द जीवन बोम्जन, लय संकलन टेक घिसिङको र जोगलाल लामाको संगीत सम्योजन रहेको छ। त्यस्तै गितमा जीवन बोम्जन र पूजा बोम्जनको आवाज रहेको छ। बरिस्ठ साउन्ड् ईन्जिनिएर डिका गुरुङले मिक्सिङ गरेको हो। गीतको रेकर्डिङ बौद्ध स्थित सगु सरगम स्टुडियो मा रेकर्ड गरिएको हो । यस गितको अडियो जन्मभुमी टिभी युट्युब च्यानल मार्फत सुन्न सकिने छ।
