सिन्धुपाल्चोक
सिन्धुपाल्चोक जिल्लाको सुनकोसी गाउँपालिका वडा नम्बर ७ स्थित ५ किलो भन्ने ठाउँमा स्कोर्पियो गाडी दुर्घटना भएको छ। दोलखाबाट खाडिचौर तर्फ आउँदै गरेको बा.१५ च.९३७० नम्बरको गाडीमा ६ जना सवार थिए। आज बिहान करिब ३ बजे भएको उक्त घटनामा २ को मृत्यु भएको छ भनें ४ जना गम्भीर घाइते भएका छन्।
मृत्यु हुनेमा काठमाडौं नागर्जुन नगरपालिका ४ को वर्ष २६ का चालक उत्तम महर्जन र नाम नखुलेको अर्को एक जना रहेको जिल्ला प्रहरी सिन्धुपाल्चोकका सुचना अधिकृत सन्दिप कु. यादवले जानकारी दिनुभयो।
उनका अनुसार घाइते हुनेमा रामेछाप उमाकुण्ड २ बस्ने वर्ष २७ को संगिता बराइलि र उनकि छोरी वर्ष ८ कि उषा बराइली, रामेछाप गोकुलगंगा १ बस्ने वर्ष ५५ कि डोल्मा शेर्पा र काठमाडौ नागर्जुन ४ बस्ने बर्ष १४ को प्रसाद महर्जन रहेका छन् ।
घाइते ४ जनाको स्थानीय सदाबहार अस्पतालमा सामान्य उपचार पश्चात् धुलिखेल अस्पतालमा रिफर गरिएको जानकारी प्राप्त भएको छ।
