काठमाडौं
२८ औं तामाङ प्रसारण दिवसको अवसरमा आज तामाङ पत्रकार संघ बागमती प्रदेशले “सम्मान तथा बागमती प्रदेशमा तामाङ भाषाको रेडियो कार्यक्रमको अवस्था, अवसर र चुनौती” विषयक कार्यक्रम सम्पन्न भएको छ । सो कार्यक्रममा संघमा आवद्ध रहँदै गर्दा जनप्रतिनिधिको रुपमा विजयी भएका २ उपाध्यक्षलाई सम्मानित समेत गरेका छन् । 
तामाङ घेदुङको सभाहलमा सम्पन्न उक्त कार्यक्रममा संघको बागमती प्रदेश सचिवालय सदस्य सरु लामा तामाङ र दिव्य दर्शन टेलिभिजन धादिङका पत्रकार सीता च्योथेन सम्मानित हुनुभएको हो । तामाङ सिन्धुपाल्चोक बलेफी गाउँपालिकाका उपाध्यक्षमा निर्वाचित हुन् भनें च्योथेन धादिङ नेत्रवाती गाउँपालिकाका निर्वाचित उपाध्यक्ष हुन् । 
उहाँहरु संगै संघले अन्य विभिन्न पत्रकार संबद्ध भातृसंगठनहरुमा निर्वाचित ५ पत्रकारहरुलाई पनि सम्मान गरेको छ । कार्यक्रम बागमती प्रदेशको माननीय मुख्य मन्त्री राजेन्द्र प्रसाद पाण्डेको प्रमुख आतिथ्यता एवं संघको अध्यक्ष अर्जुन तामाङको सभापतित्वमा सम्पन्न भएको हो ।
मुख्यमन्त्री पाण्डेका अनुसार तामाङहरुले गुम्बा बनाउन र घेवा गर्न लाग्ने खर्च शिक्षा आर्जनमा लगाउन सुझाएका छन् । उनका अनुसार त्यसलाई तामाङ समुदायमा गुम्बा र घेवा संस्कृति व्यापक भएको उल्लेख गर्दै उनले शिक्षामा जोड दिए विभेदको बार भत्कने तर्क राख्नु भएका थिए । शिक्षा र सीप विकास गर्न सके जातीय विभेद पनि भत्काउने र एकले अर्कोलाई होच्याउने काम समेत निर्मुल हुने बताएका थिए । साथै तत्कालिन राज्यसत्ता संग सत्ताको निमित संघर्ष गर्ने क्रममा विभिन्न जात-जातीका संगठन विस्तारमा आफ्नो पनि अहम भूमिका रहेको खुलासा समेत गर्नु भएको थिए । 
