काठमाडौं
केही हप्ता अघि बानेश्वर स्थित संसद भवन अगाडि आफ्नै शरीरमा आगो लगाएर आत्मदाह गरेका स्वर्गीय प्रेम प्रसाद आचार्यको श्रीमति नानुका अधिकारी आचार्यलाई जागिर र दुई छोरीहरुलाई ब्याचलर सम्म निशुल्क पढाईदिने कार्य अघि बढेको छ । उक्त दु:खद घटना घटेको केहि दिनपछि पुर्व मन्त्री एवं सिन्धुपाल्चोक क्षेत्र नं. २ का माननीय मोहनबहादुर बस्नेतले मृतक आचार्यको परिवारलाई भेटेरै उक्त प्रतिबद्धता जनाउनु भएको थियो ।
सो प्रतिबद्धतामा पुर्व अरनिको यातायात प्रा.लि. का अध्यक्ष एवं युवा नेता केदार क्षेत्रीले साथ दिएका छन् । क्षेत्रीले शुक्रवार नेता बस्नेत र स्वर्गीय आचार्यकि पत्नी सहित दुई छोरीहरुलाई समेत कार्यालयमै उपस्थित गर्नुभै सो कार्यहरुको जिम्मा लिएका हुन् । अध्यक्ष क्षेत्रीले आचार्य पत्नी नानुका आचार्यलाई दक्षता अनुसारको जागिरका लागि नियुक्ति पत्र प्रदान गरेका छन् । साथै २ ओटा छोरीहरुलाई बेचुलरसम्म पायक पर्ने विद्यालायमा निशुल्क पढाईदिने जिम्मा लिएको बताउनुभयो ।
उक्त कार्यक्रममा बोल्दै नेता बस्नेतले यो महान सहयोगका लागि विशेष गरि प्रालिका अध्यक्ष केदार क्षेत्री र पुर्व अरनिको यातायात प्रालिलाई हार्दिक धन्यवाद ज्ञापन गर्नुभएको छ । उनले स्वर्गीय आचार्यको परिवारलाई पछि पनि कुनै अप्ठ्यारो परेमा वा आवश्यक परेमा सकेको साथ सहयोग गर्ने वचनबद्दता जनाउनुभयो ।
पुर्व अरनिको यातायात बिसौ वर्षदेखि सिन्धुपाल्चोक, दोलखा, सिन्धुली, काभ्रे लगायतका जिल्लाहरुमा सार्वजनिक यातायातको सेवा दिँदै आएको उत्कृष्ट यातायात कंपनिको रुपमा परिचीत छन् । जसका नव नियुक्त अध्यक्षमा केदार क्षेत्री निर्वाचित हुनुभएको थियो । क्षेत्री सिन्धुपाल्चोक बलेफी गाउँपालिकाका निवर्तमान गाउँपालिका अध्यक्ष समेत हुन् ।
