सिन्धुपाल्चोक
नेपाली काँग्रेसका तर्फबाट २०७४ को स्थानीय चुनावका जुगल गाउँ पालिका अध्यक्षका प्रत्यासी उम्मेदवार वरिष्ठ नेता जय बहादुर लामा एमाले प्रवेश भएका छन् । उनी संगै दुई निर्वाचित वडा अध्यक्ष द्वय वडा नं. ३ का वडा अध्यक्ष सानुकान्छा तामाङ र वडा नं. ५ का सनत अधिकारीले पनि आजै काँग्रेस त्यागेर एमालेमा लागेका छन् । नेता लामा पुर्व प्रधानपञ्च समेत हुन् । लामाले गत निर्वाचनमा एमाले संग १८१ मतले हार व्योहोरेका थिए । 
त्यस्तै जुगल गाउँ पालिका उपसभापति राजेन्द्र लामा (दोर्जे), युवा नेता सुरेन बिक्रम योन्जन लगायत दर्जन बढी कार्याकर्ताहरु एमाले प्रवेश भएको हो । नव प्रवेशीहरुलाई एमाले स्थायी कमिटी सदस्य शेरबहादुर तामाङ, केन्द्रिय सदस्य दावा लामाले स्वागत गरेका थिए ।
स्थानीय निर्वाचनको लागि २० दिन मात्र बाँकी रहेको बेला काँग्रेसमा टिकटको किचलोले गर्दा विचलन आएको एक नेताले बताए । जुगलमा टिकटको विषयलाई लिएर मनमुटाव सतहमै आएको थियो । नेता लामालाई एमालेले जुगल गाउँ पालिका अध्यक्षमा उठाउने बुझ्न आएको छ ।
