ललितपुर
बिहिवार ललितपुरको पुल्चोकमा मछिन्द्रनाथको रथ तान्ने र त्यसलाई रोक्ने प्रहरी बिच झडप भयो। उक्त झडपमा एक फरक दृश्य देखा परे। त्यो थियो आन्दोलनकारी तर्फ बसेर प्रहरी माथी प्रेस ज्याकेट लगाएका र हातमा क्यामेरा बोकेका एक युवकले ढुंगा हानिरहेका थिए। शुक्रबार अपराध महाशाखाको टोलीले सो युवकलाई पक्राउ गरेको हो।
सो युवक महालक्ष्मी नगरपालिका १३ इमाडोलका २१ वर्षीय अनिश महर्जन रहेका छन्। उनी कुनै सञ्चार माध्यममा संलग्न नरहेको र प्रेस कार्ड पनि नभएको पाइएको अपराध महाशाखाका प्रमुख एसएसपी दीपक थापाले जानकारी दिए । प्रहरीले बिहीबार मछिन्द्रनाथको रथ तान्ने क्रममा प्रहरीलाई ढुंगा मुढा गर्ने १३ जनालाई पक्राउ गरिसकेको छ। उनिहरुलाई विभिन्न मुद्दाहरुमा अनुसन्धान भैरहेको जनाएका छन्।
