काठमाडौं
कोरोना भाइरस फैलिँने त्रासका कारण यतिबेला देशै भर निषेधाज्ञा जारी भैरहेको छ। उपत्यका भित्र धेरै संख्यामा संक्रमित बढ्न गएकोले भक्तपुर र ललितपुरका प्रमुख जिल्ला अधिकारी (सीडीओ) र सुरक्षा निकायका प्रमुखको बैठकले भदौ १० गतेसम्मको निषेधाज्ञालाई सात दिन थप गर्ने निर्णय गरेको छ। भाइरसको संक्रमण फैलिँदै गएकोले संकट व्यवस्थापन केन्द्रको बैठकले यस्तो सिफारिस गरेको हो।
आज बसेको बैठले १ हप्ता थप गर्ने निर्णय गर्दै उपत्यकाका तीन जिल्लाको जिल्ला संकट व्यवस्थापन केन्द्रको बैठकले निर्णय गर्दै सिफारिस गृहमन्त्रालयमा पठाएको छ।
सो बैठकमा काठमाडौंका सीडीओ जनकराज दाहाल, भक्तपुरकी सीडीओ हुमकला पाण्डे र ललितपुरका सीडीओ नारायण भट्टसँगै नेपाली सेना, नेपाल प्रहरी, सशस्त्र प्रहरी, राष्ट्रिय अनुसन्धान र जिल्ला जनस्वास्थ्य कार्यालयका प्रमुख सहभागी थिए।
बैठकमा सहभागी एक सुरक्षा अधिकारीका अनुसार सिफारिस स्वीकृत भए लगत्तै उपत्यकामा भदौ १७ गते राति १२ बजेसम्म निषेधाज्ञा रहने छ।