सिन्धुपाल्चोक, हेलम्बु
मेलम्ची खानेपानी सुरुङ परिक्षणकाे क्रममा सुरुङको गेट फुट्दा २ जना बेपत्ता भएकाछन् ।
आज (मंगलबार )बिहान १२ बजे पानी भरिएकाे सुरुङकाे गेट फुट्दा पानीले बगाएर त्यहाँ कार्यरत अन्दाजि ५५ बर्षिय सवारी चालक राधाकृष्ण थापामगर र अन्दाजि २५ बर्षिय इन्जिनियर सतिस गाेहित बेपत्ता भएकाे त्याहाँ कार्यरत कर्मचारी युबराज गिरीले जानकारी दिए ।
गेट फुटेपछि आएकाे बाढीले बा १ झ ८७६४ नम्बरको हाइलक्स गाडी समेत बगाएकाे छ । क्षतिकाे थप बिवरण आउन बाँकी छ । मेलम्ची खानेपानी आयाेजनाले एक साता पहिलेदेखि सुरुङ परिक्षण गरिरहेकाे छ ।